“Хәтер шәме” акциясе

22 июнь - хәтер һәм кайгы көне уңаеннан ил күләмендә "Хәтер шәме" акциясе уза. Акциянең максаты - Бөек Ватан сугышында һәлак булганнарны, авыр тормыш һәм мәхрүмлекләр корбаннарын искә алу. Бу чарада 7 яшьтән алып 18 яшькәчә укучылар, лагерьларда ял итүчеләр катнаша. Новотроицкое мәктәбендә эшләүче "Балкыш" лагеренда Халыкара хәтер акциясе кысаларында фронтта һәм тылда һәлак булганнарны искә алу чарасы уза, дип хәбәр итте редакциягә район мәгариф бүлегенең тәрбия эшләре үзәге җитәкчесе Г.Гәрәева. Балалар 22 июнь иртәнге сәгать 4тә һәйкәл янында шәмнәр кабыза. Акциядә теләге булган һәркем катнаша ала, шәмнәрне өйдә дә кабызырга мөмкин.