Эшкә киртә юк

admin, 15 июнь 2021 - 15:43

555

Узган атнада авыллар Сабан туе мәшәкатьләре белән яшәде. Ләкин авыл хуҗалыгы предприятиеләре төп эшләреннән аерылмады, терлек азыгы әзерләү тулы куәтенә дәвам итә. Күптән көтелгән яңгырлар да эшкә киртә була алмады, киресенчә, авыл кешесенең хезмәткә дәртен арттыра төште.

Район авыл хуҗалыгы һәм азык-төлек идарәсеннән 15 июньгә алынган мәгълүматлар буенча, күпьеллык үләннәр барлыгы 8,5 мең гектарда чабылган, 1800 тонна печән әзерләнгән, 15 мең тонна сенаж салынган. Шушы көннәрдә яфраказык әзерләргә керешәчәкләр. Елдагыча, бу эшкә район оешмалары да җәлеп ителә, аларның һәркайсына планнар җиткереләчәк.