Дүрт участокка су үтеп керде

Болар «Бережок» бакчачылык ширкәтенә кергән ихаталар. Бер участокта мунча һәм сарайга су үтеп керде. Бу турыда Россия Гадәттән тыш хәлләр министрлыгының ТР буенча идарәсе хәбәр итә. Моңа кадәр 14 бакчачылык ширкәтен су басу турында мәгълүмат чыккан иде. 20 май көненә Түбән Кама ГЭСының түбән бьефында су биеклеге күтәрелеп, 58,07 м БСны тәшкил итә. Якын арада һава торышының бозылуы көтелә – яшенле яңгыр катыш көчле җил булуы ихтимал. Моңа бәйле рәвештә, су күтәрелү мәсьәләсе кискен кала бирә.