Документ коткарам дип үзе ут эчендә калган

Ут чыкканда өй эчендә хуҗаның 42 яшьлек кызы гына була. Төтен исен сизеп, ул кухняга йөгереп чыга. Анда инде бар бүлмә ут эчендә була. Аннары ул тәрәзәдән ишегалдына сикерә дә мотоцикл ремонтлап яткан әтисен ярдәмгә чакыра. Әтисе ишегалдында торган машинаны урамга чыгара да, документларны булса да коткарыйм дип, йорт эченә кереп китә. Ләкин өстенә түшәм ишелеп, кызганычка, үзенә дә ут эченнән исән чыгу насыйп булмый.

Янгын чыгуның сәбәбе электр челтәренә көч килүдә дип фаразлана. Милекне коткарам дип, үз гомереңне куркыныч астына кую һич тә ярамый дип кисәтәләр Күзәтчелек эшчәнлегенең район буенча бүлеге хезмәткәрләре.