Чебенледә бәйрәм узачак

admin, 5 июль 2018 - 11:00

1292

7 июль көнне Чебенле авылы урынында, гүзәл Чулман буенда, Хәтер көне уздырыла. Чара көндезге сәгать 11дә башланып, кичке 4кә кадәр дәвам итәчәк.

Программага җыр-биюләр белән беррәттән Чебенле авылыннан чыккан шәхесләрнең чыгышлары, истәлекләре, бәйрәмнең Гаилә көненә туры килүен истә тотып, «Парлылар парады», уеннар, кызыклы ярышлар кертелгән. Бәйрәмгә килүчеләр балык шулпасы, пылау белән дә сыйлана алачак, балалар өчен аттракционнар эшләячәк.