«Әби, үзебез!» – дип кенә тордылар

Октябрь аенда су торбасы тишелү сәбәпле, йортым сусыз калды. Районның «Татарстан» коммуналь челтәрләре бригадасы эшчеләре ремонтларга ярдәм итте. Хәтта үз акчаларына материаллар да алдылар, көрәк белән торбаны күмделәр. Соңга калсалар да, эшләрен тәмамламыйча китмәделәр. Эшчеләр өйдәге әйберләрне күчереп, анда да суүткәргеч өчен җиһазларны көйләп куйдылар, «әби, үзебез» дип кенә тордылар. Икенче көнне килеп исә канализация ясап киттеләр.
Бу оешма хезмәткәрләренең барысын да рәхмәтем чиксез. Олы йөрәкле эшчеләргә һәм аларның җитәкчеләренә саулык-сәламәтлек телим, аларны сакчы фәрештәләр саклап йөртсен. 

Байбүләк авылыннан ялгыз яшәүче Рузалия Якупова.