Батыр йөрәкле янгынчы

admin, 17 июнь 2022 - 13:40

1059

Россия Президенты Тукай районы янгын сүндерүчесе Рамил Фәрдиевны "Батырлык өчен" медале белән бүләкләү турында указ чыгарды. Ул Биклән авылындагы янгын сүндерү хезмәте җитәкчесе булып эшли.

Былтыр, 2021 елның июнь аенда Рамил Фәрдиев янгын эченнән бер хатын-кызны алып чыга. Биклән авылында бер өйгә ут каба, ут телләре күрше гаражга да күчә. Өйнең ишекләре эчтән бикле була , ул тәрәзә аша эчкә керә Аңын югалткан хатын-кыз йокы бүлмәсендә идәндә табыла. Рамил аны тиз генә саф һавага алып чыга, беренче ярдәм күрсәтә һәм хастаханәгә алып китә.
Рамил Фәрдиевны бүләкләү турындагы указ РФ Пезидентының рәсми сайтында урын алды. Фәрдиевнең кыюлыгын, батырлыгын һәм тәвәккәллеген хөкүмәтебез югары бәяләде. Тиздән ул "Батырлык өчен" медален тапшыру тантанасына Мәскәүгә барачак.