Башлангыч оешма рәисләре очрашты

30 ноябрьдә Халыкара инвалидлар көне уңаеннан район хакимиятендә муниципаль район башлыгы Васил Хаҗиев һәм республика инвалидлар җәмгыяте рәисе, ТР Дәүләт Советы депутаты Рифат Ганибаев белән очрашу узды. Очрашуга башлангыч инвалидлар, ветераннар оешмалары җитәкчеләре һәм активистлары чакырылган иде. Васил Хаҗиев оешмалар эшләренә уңай бәя бирде, яшьләрне тәрбияләүдә өлкән буын алдындагы бурычларга тукталды. Р. Ганибаев республика инвалидлар оешмасы эшчәнлеге белән таныштырды. Очрашуга район сәнгать осталарының чыгышлары аерым бер җылылык өстәде.