Балык «сөзмәкче» булганнар

admin, 19 июль 2019 - 14:40

1066

Яр Чаллы шәһәрендә яшәүче 48 яшьлек һәм 80 яшьлек ике ир-ат кабартылган көймәдә Шилнә елгасына кереп, яр буена ике ятьмә куялар. Шулай итеп алар тиз арада күп итеп балык тотмакчы булалар.

Ләкин мәкерле ниятләре тормышка ашмый – аларны полиция хезмәткәрләре күреп ала. Җитмәсә, бу балыкларның уылдык чәчкән вакыты да була әле.
РФ Җинаять Кодексының 76.2 маддәсе буенча, суд кече һәм уртача авырлыктагы җинаять кылучыларны, әгәр алар китергән зыянны капласа, җинаять җаваплылыгыннан азат итеп, административ штраф кына да билгели ала. Суд бу очрак буенча да шулай эшли. Гаепләнүчеләрнең икесенә дә 6шар мең сум күләмендә штраф салу турында карар чыгара.