Якты юл
  • Рус Тат
  • Балалар Әфган җирендә һәлак булган якташларын искә алдылар

    «Шәфкать» халыкка социаль ярдәм күрсәтү үзәге педагоглары Совет гаскәрләренең Әфган җиреннән чыгарылуына 25 ел тулу уңаеннан «Сугыш юллары буйлап» дип аталган чара үткәрделәр.

    Анда күп балалы, аз керемле гаиләләрдән булган һәм ведомствоара исәптә торган 12 бала катнашты. Чарада хәрби хәрәкәтләрдән документаль клиплар күрсәтелде, сугыш һәм аның геройлары турында сөйләнде. Хәрби бәрелешләрдә һәлак булган «Татарстан» совхозы поселогы егетләре Сергей Попов, Валерий Максимов, Валерий Пучининның истәлеге яңартылды. Шулай ук социаль ярдәм күрсәтү үзәге фойесында «Әфган - йөрәк ярасы» дигән стенд эшләнде. Анда кайнар нокталарда башын салган якташларның фотолары, Әфган сугышы турында мәгълүмат, хәрби хәрәкәтләрдән һәм сугышчыларны чыгарган мизгелләрдән фотолар урын алган.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: