Авылларда – Әниләр көне

Әниләр көне узган ялларда авыл җирлекләрендә зурлап билгеләп үтелде. 23 ноябрьдә Круглое Поле авылында үткән чарада яшь әниләргә ана сертификаты тапшырылды, аннары барлык әниләрне котлап авыл үзешчәннәре, мәктәп укучылары, балалар бакчасына йөрүчеләр концерт программасы тәкъдим итте.

25 ноябрьдә Борды авылы мәдәният йортында Әниләр көненә багышлап зур бәйрәм концерты үткәрелде. Әниләрне иң беренче авыл җирлеге башлыгы Роза Әбделманова җылы котлады. Аннары "Борды" фольклор ансамбле һәм авыл үзешчәннәре җыелган халыкка җыр-биюләрен бүләк итте. Шәһәрдән кайтып, әбиләренә котлауларын сәхнә номерлары аша җиткерүчеләр дә булды.