Аракыны законсыз сату турында хәбәр җибәрүчеләргә акча түләү дәвам итә

«Халык контроле» мәгълүмат порталында алкоголь продукциясен законсыз рәвештә җитештерү һәм сату турында хәбәр җиткерүчеләргә акчалата бүләк бирү дәвам итә.

ТР дәүләт хезмәтләре порталында теркәлеп, «Халык контроле» бүлекчәсендә «Сәүдә кагыйдәләрен бозу», «Җәмәгать туклануы», «Этил спиртын, составында алкоголь һәм спирт булган продукцияне законсыз җитештерү һәм әйләнешкә кертү» категорияләре буенча мәгълүмат җибәрсәң, 1000нән 3000 сумга кадәр акча түлиләр. Ләкин хәбәр кергәннән соң, вазифадагы затлар бу мәгълүмат буенча тикшерү үткәрәләр. Факт расланганнан соң гына Татарстан Республикасы Дәүләт алкоголь инспекциясе хәбәр бирүчегә акча түли.