Сабан туена Фирдүс Тямаев килә
Татар халкының милли җәүһәре булган Сабан туена да 10 көнләп кенә вакыт калып бара. Район бәйрәме, һәр елдагыча, Кызыл Байрак авылы яланында узачак. Биредә инде яз айларыннан ук өмәләр оештырылды, мәйдан зурайтылды, яңа төп сәхнә, шулай ук биюләр, спорт уеннары өчен уртада аерым сәхнә, мөхтәрәм кунаклар өчен трибуна төзелә. Яланга илтүче юллар төзекләндерелде. Сабан туе көнне кайда нинди зоналар урнашачагы тәгаенләнде.
Якты юл
