Әлмәттә Муса Җәлил призына көрәш үтте

Әлмәт шәһәрендә герой-шагыйрь Муса Җәлил призына татар-башкорт милли көрәше буенча республика ярышлары узды. Ярышларда барлыгы 51 командадагы 440 спортчы көч сынашты. 60 килограммга кадәрге үлчәүдә Борды егете, Татарстан Республикасының спорт мастеры Дмитрий Левашов III урынга лаек булды. 40-50 яшьләрдәге ветеран спортчылар арасында I урында - ТРның спорт мастеры Рәиф Нигъмәтуллин (Түбән Суыксу), 50-60 яшьлек ир-атлар арасында шулай ук I урынны ТРның спорт мастеры Марс Гафаров (Орловка) алды. 130 килограммнан артык авырлыкта V урында Олы Шилнәдән Вадим Уляшов калды, дип хәбәр итте безгә Яшүсмерләр клубы тренеры Тәнзил Хәмәдиев.