Бадминтон буенча турнир

admin, 16 ноябрь 2018 - 13:20

981

Шушы көннәрдә Әлмәт шәһәрендә бадминтон буенча Россия турниры узды.

Ярышларда Мәскәү, Новосибирск шәһәре, Пермь крае, Башкирия республикасы һәм Самара өлкәсеннән 2006 елгы һәм аннан да яшьрәк спортчылар катнашты. Тукай районы данын яклап, ярышларда район яшүсмерләр спорт мәктәбе командасы чыгыш ясады. Альмира Нуриева, Мария Захарова, Рифат Әсләмов, Алмаз Вәлиев, Роксана Пучинина, Аделина Газетдинова, Аделина Вахитова яхшы күрсәткечләргә иреште. Яшь спорчыларның тренеры Валерий Файзуллин сүзләренчә, алар бадминтон белән өченче ел гына шөгыльләнәләр. Шуңа карамастан, республика күрсәткечләре буенча район командасы лаеклы урыннарны бирми.