Бадминтон буенча көч сынаштылар

Алабуга шәһәрендә бадминтон буенча ТР муниципаль оешмаларының кубогына шәхси беренчелек ярышларының 2нче этабы үтте. Анда, районыбыз данын яклап, балалар һәм яшүсмерләр спорт мәктәбендә шөгыльләнүче 16 спортчы көч сынашты. Нәтиҗәдә 2002-2003 елгы яшүсмерләр арасында Снежана Жданова II урынга лаек булды. 2004 һәм аннан да яшьрәк булганнар арасында Мария Захарова, Әлмирә Нуриева, Ислам Ярмиев, Григорий Цыганков IV-VI урыннарда калдылар. Бадминтон ярышларының финал этабы 14-15 апрель көннәрендә Аксубай шәһәрендә узачак. Яшьләребезгә уңышлар теләп калабыз, дип язалар безгә район балалар һәм яшүсмерләр спорт мәктәбеннән.

Фото район балалар һәм яшүсмерләр спорт мәктәбе хезмәткәрләре тарафыннан бирелде.