Тукайлылар сәламәтлеге: эт тешләү, талпан кадалу очраклары дәвам итә

Үткән атнада Тукай районында кискен эчәк инфекциясен 2 бала, 2 өлкән кеше йоктырган. Яр Чаллы (Тукай) районыдагы ТР Роспотребнадзор Идарәсенең баш белгече Рәйхана Марченко хәбәр итүенчә, кискен респиратор вируслы инфекцияләр белән авыруның 29 очрагы теркәлгән. 20 очрак балаларга туры килә.

Бер өлкән яшьтәге кешене йорт эте тешләгән. Аңа тиешле медицина ярдәме күрсәтелгән.

Атна дәвамында бер кешенең С гепатитының вирусын йөртүче булуы ачыкланган.

Талпан кадалу очраклары теркәлү дәвам итә. Табибка бу уңайдан Шилнәбаш мәктәбе укучысы мөрәҗәгать иткән. Аның муенына Боровецк урманында талпан кадалган.

Кызамык(җил чәчәге) авыруын йоктыруның 5 очрагы теркәлгән.Барысы да - балалар.