Кискен вируслы инфекцияләр белән авыручылар саны артмаган

Узган атнада сулыш юлларының кискен вируслы инфекцияләре белән авыручылар саны алдагы атна белән чагыштырганда үзгәрмәгән, дип хәбәр итте Роспотребнадзор идарәсенең территориаль бүлеге башлыгы урынбасары Марат Гыйрфанов. Шул ук вакытта кискен эчәк инфекциясе бер балада һәм бер өлкән кешедә теркәлгән.

Ике кешене хуҗасыз этләр тешләгән: бу очраклар Мәләкәс авылында һәм «Татарстан» совхозы поселогында булган. Күзкәй авылындагы пенсионерда С гепатиты вирусы табылган. «Татарстан» совхозы поселогында бер кешенең туберкулез белән авыруы ачыкланган. Эпидемияләргә каршы чаралар уздырылган.