Ашыгыч ярдәм пунктлары өчен биналарны реконструкцияләү бара

Бүгенге көндә районның ике авылында - Мәләкәстә фельдшер-акушерлык пунктында һәм «Татарстан» совхозы поселогында участок амбулаториясендә ашыгыч ярдәм күрсәтү бүлеге пунктлары өчен урын әзерләү, ягъни ремонтлау-реконструкцияләү эше бара. «Татарстан» совхозы поселогында эшләр инде ахырына якынлашып килә. Мәләкәс медпунктында исә су, канализация, табигый газ котелы һәм җылылык системасы тулысынча алыштырылды, ягъни эшнең яртысыннан артыгы башкарылды. Ашыгыч ярдәм күрсәтү пунктлары 2014 елда эшли башлар, икесе районның ике ягында урнашкан авылларга хезмәт күрсәтер дип планлаштырыла, дип хәбәр итә район үзәк больницасы баш табибы Галим Сабирҗанов.