«Якты юл” газетасы Салават концертына билетлар уйната

"Якты юл" газетасы укучылары арасында танылган җырчы Салават Фәтхетдинов иҗатына гашыйк кешеләр күплеген беләбез. Алар арасыннан кемгәдер кумирының концертына бару бәхете елмаячак. Редакциябездәге ике билет үз хуҗасын көтә. Аларга ия булу өчен безнең фотобәйгебездә җиңәргә кирәк. Бәйге шарты - үзенчәлекле селфи ясап, электрон адреска: yakti.ul76@gmail.com юллау. (Исегезгә төшерәбез, селфи - автопортретның бер төре, ягъни үз-үзеңне фотога төшерү ).

Җиңүчене "Якты юл" газетасының сайтында тавыш бирү юлы белән билгелиячәкбез. Тавыш бирү 26 февраль , төгәл көндезге сәгать 12гә кадәр дәвам итәчәк.

Барыгызга да уңышлар телибез һәм сездән фото көтәбез!