Әниләргә мәдхия – Лилия әнисе Зәмзәмияне тәбрик итә

АНА - нинди бөек исем!
Нәрсә җитә АНА булуга.
Хатын-кызның бөтен матурлыгы,
Бөтен күрке - АНА булуда!
Әни ул җир йөзендә иң олы мәхәббәткә, хөрмәткә лаеклы кеше. Һәм мин үземнең Иске Җирекле авылында торучы кадерле әнием - Зәмзәмия Вәлиуллинаны Әниләр көне белән тәбрик итәм! Мәрхәмәтле, игелекле газиз әниемә саулык-сәламәтлек, озын гомер, шатлыклы-куанычлы көннәр телим. Һәрвакыт шундый көләч йөзле, киң күңелле, бәхетле булып кал, әнием. Балаларыңның, оныкларыңның куанычын, шатлыгын тоеп бергә-бергә озын-озак гомерләр яшәргә насыйп итсен Ходай! Без сине, Әни, бик яратабыз, хөрмәт итәбез!

Иң изге теләкләр белән, кызың Лилия Вәлиуллина, Мәләкәс авылы.