«Иң матур пар” бәйгесендә катнашучылар артты

«Иң матур пар" бәйгесендә катнашучылар исемлегенә тагын бер матур пар өстәлде. Авылдашлары сүзләренә караганда, Сәеттән Әбүзәр һәм Айсылу Габдрахмановлар - дөнья бәясе торырдай кешеләр! Ачык йөзле, киң күңелле һәм бик сөйкемле булулары өстенә эш-гамәлләре белән тирә -юньдәгеләрнең ихтирамын яулаган алар. Ә менә аларга карата үз мөнәсәбәтегезне сез тавыш бирү юлы белән белдерә аласыз.

Тавыш бирү өчен шушы исемдәге сәхифәдә исемнәр каршындагы түгәрәккә басарга, аннары "Әйе" дигән язуга басарга кирәк. Фикерләрне, ягъни комментарийларны язу хуплана.Уңышлар телибез!

Барлык катнашучыларның фотоларын биредә карарга мөмкин: http://www.tukai-rt.ru/ru/component/k2/itemlist/category/261-konkursyi-redaktsii.html

Исегезгә төшерәбез,сез дә әлеге бәйгедә катнаша аласыз ( яшь буенча чикләүләр юк).

Моның өчен электрон адресыбызга yakti.ul76@gmail.com бергәләп төшкән фотогызны юлларга кирәк.