Зәрия Вәлиевадан «Көртлек» салаты

admin, 2 февраль 2020 - 14:30

1103

Ингредиентлар: 300-350 грамм чамасы итләч кара җимеш, 150-200 грамм чистартылган әстерхан чикләвеге, 150 г яхшы сыйфатлы куертылган сөт, 150 г чамасы 20% лы сыйфатлы каймак.

Эш барышы:
кара җимешне яхшылап юып кәгазь тастымалга салып корытабыз. Төшләрен алабыз. Чистартылган әстерхан чикләвеген (блендерда җиңелчә генә итеп) тукмак белән ваклыйбыз. Вакланган әстерхан чикләвеген кара җимеш эченә тутырабыз. Куертылган сөт белән каймак кушылган соусны чикләвекле кара җимеш «көртлекләре»нә салып болгатабыз. Матур вазага салып бер-ике сәгать cуыткычка куеп тотабыз. Туклыклы һәм файдалы салатны чәй табынына куябыз.