Ничек сакларга?

Кишер белән чөгендерне базга урнаштырыр алдыннан бәрелгәннәрен, киселгәннәрен, чери башлаганнарын аерып, яхшыларын көл белән бутарга киңәш ителә. Уңышны тартмада саклау яхшырак булыр. Яшелчәләр өстенә 2-3 сантиметр чамасы дымлы торф яисә ком сибеп кую да әйбәт булачак.

Суган һәм сарымсакны түтәлдән җыеп алгач, озак итеп киптерергә кирәк. Суганны агач тартмаларда һәм үреп сакларга мөмкин. Сарымсакны парафинлау яхшы нәтиҗә бирә. Аннары киндер капчыкка тутырып, коры урынга элеп куялар.