Мәтрүшкәле, гөлҗимешле чәй

Күбрәк һавада булырга, дөрес тукланырга, иртәнге аш турында онытмаска, С витамины кергән продуктлар ашарга тәкьдим итәм. Эштән соң без бөтен гаилә белән кичке ашка жыелгач, кара ипигә сарымсак ягып ашыйбыз, ашказанын да яндырмый, бөтен микробларны да үтерә. Минем иммунитетны көчәйтә торган чәй рецептым бар: бер литрлы термоска берничә сабак зәңгәр мәтрүшкә, бер уч гөлжимеш саласың, шуны кайнар су белән тутырып, термосны ябып куясың. Бер сәгатьтән чәй әзер, көн дәвамында эчәргә була. Тик мондый чәйне еш кулланырга ярамый.

Эльвира Нуртдинова, Мусабай Завод авылы.