Мәшәкатьсез «Шарлотка»

Мәшәкатьләнмичә, тиз арада әзерләнә торган бәлеш өчен: 
5 йомырка, 1 чәй калагы тоз, 1 стакан шикәр комы, бер пакет ванилин, ярты стакан кефир, 1 чәй калагы сода, 180гр эретелгән акмай, 1,5 стакан он, 4-5 эре алма кирәк.

Эш тәртибе
5 йомыркага тоз, шикәр, ванилинны кушып күпертәбез. Шул массага кефирны кушабыз, сода өстибез һәм тагын күпертеп алабыз да акмайны салып туглыйбыз. Крем хәленә килгән массага он салып камырны әзерләп бетерәбез. 
4-5 алманы турыйбыз да камырга салабыз. Яхшылап болгаткач әзер массаны пергамент кәгазе җәелгән табага салып 35-40 минутка мичкә (духовкага) куябыз.