Кыш алдыннан иммунитетны ничек ныгытырга?

Салкын кышка да озак калмады. Нәкъ менә кыш айларында төрле авыруларга дучар булмас өчен организмны алдан әзерләргә кирәк тә инде. Кыш алдыннан иммунитетны ничек ныгытырга кирәклеге турында диетологлар киңәшләр бирә. Иммунитетны саклау өчен беренче булып витаминнар ярдәмгә килә.
Күпләр апельсин, лимон кебек цитруслыларны С витамины буенча чемпионнар дип санаса да, белгечләр әйтүенчә, иң күп С витамины тозлаган кәбестә һәм болгар борычында була. Тозлы кәбестә шул ук вакытта эчәклек микрофлорасына ярдәм итүче табигый пробиотик та булып тора. Югары кан басымы, гәүдә авырлыгы артык булган кешеләргә кышкылыкка кәбестәне тоз кулланмыйча әзерләргә мөмкин. Бу очракта аны нарат җиләге, мүк җиләге кушып әзерләргә киңәш ителә, диләр табиблар.