«Хатын-кыз капризы» салаты

Эш тәртибе: 
Салатны катламлап өябез.
1нче катлам – тозлы суда пешкән тавык түшен шакмаклап турап тәлинкәгә җәябез. 
2нче катлам – ваклап туралган суган (әчесен чыгарыр өчен кайнар суда пешекләп алырга була), өстенә майонез ягабыз, 
3нче катлам – кыргычтан чыгарылган кыяр, 
4нче катлам – ваклап туралган кара җимеш. 
5нче катлам – кыргычтан үткәрелгән йомырка, 
6нчы катлам – вакланган әстерхан чикләвеге, 
7нче катлам – бизәү өчен петрушка. 
Салатның һәр катламына әз-әзләп майонез ягып барабыз. 
Әзер салатны берничә сәгатькә суыткычка куябыз.

Энҗе Галиәхмәтова рецепты.