Якты юл
  • Рус Тат
  • Кайсы бал файдалырак?

    Кайсы бал файдалырак?

    Юкә балы
    Аны салкын тидергәндә кулланалар. Ул бактерияләргә каршы көрәшергә, тирләтергә сәләтле. Юкә балын температураны төшерү, ютәлне дәвалау өчен дә эчәләр. 

    Көнбагыш балы
    Ул матдәләр алмашы бозылганда, шулай ук иммунитетны ныгыту өчен бик килешә. 

    Тукранбаш балы
    Ачык төстәге бу бал диеталы туклану вакытында, бигрәк тә ашказаны-эчәк авыруларын дәвалаганда менә дигән. Сару кайнауны баса. 

    Кипрей (Иван-чәй) балы
    Ачык төстә һәм үзенчәлекле исе булу белән аерыла. Составында күпсанлы минераллар һәм аминокислоталар бар. Йөрәк-кан тамырлары, ашказаны, нерв, тире авыруларын дәвалаганда киңәш ителә. Сару кайнау, йокысызлык, баш авырту, көзән җыеру булганда да киңәш итәләр. 

    Карабодай балы
    Төсе караңгы-соры. Бераз әчкелтем тәме бар. Карабодай балында тимер күп, аны кан составын яхшырту өчен кулланалар. Шулай ук азканлылык, юеш ютәл, авитоминоз булганда да хәлне җинеләйтә. 

    Чәчәк балы
    Бал кортлары нектарны төрле чәчәкләрдән – донник, тигәнәк, пустырник, тузганак, тукранбаш, люцерна һәм башкалардан жыя. Мондый бал иммунитетка файдалы. Салкын тигәндә, үпкә ялкынсынуы булганда да мондый балның файдасы ныграк. 

    Донник балы
    Аны витаминнар сандыгы дип йортәләр. Ул эчке һәм тышкы авыруларны дәвалый. Ул бигрәк тә тын юлларын дәвалау өчен кыйммәтле, ялкынсынуны баса, чистарта. Йокысызлыктан интеккәндә дә, нервлар кузгалганда да менә дигән дәва. Белгечләр аны буыннар авырулары вакытында да кулланырга тәкъдим итә.

    / Рөстәм Зәкиев фотосы. 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: