Гөмбәле-сырлы аш яратасызмы?

1. Баштан мин шулпа пешерәм, тавыктан да ярый, башка иттән дә. Пешкән итне алып, шулпасын сөзәм, кәстрүлен юам да, кирәк өлешен генә салып, киредән утка куям.

2. Туралган бәрәңге, кишер белән суганны өстим. Соңгыларын кыздырып салсагыз да була.

3. Шул вакытта гөмбене турап, кыздырып алам.

4. Ашка гөмбә һәм вакланган сыр өстим. Бер ничә минут сыр эрегәнче генә утта тотам да, сүндереп куям. 

5. Кеше саен бүлгәндә, итне тарелкаларга өстәп, яшеллек (яраткан кешегә) салып бирәм.

Гөмбә нинди диярсез?

Мин шампиньон салдым, баллы гөмбә (опята) да ярый.

Сыр дигәненә килсәк, аның тышына "Аш һәм соус өчен" диеп язылган була. 

Ашларыгыз тәмле булсын!