Якты юл
  • Рус Тат
  • Бәрәңгесе дә бәрәңгесе!

    Быел шәхси йортларның бакчаларында бәрәңге гөрләп үсте. Икенче икмәк өчен елы уңай килде, яңгырлар мул яуды. Бүген халык рәхәтләнеп яңа бәрәңге ашый. Ләкин бер нәрсә куркыта: яңгырлар тагын да дәвам итсә, бәрәңге черемәсме, диләр бакчачылар.

    Гомер буе Пенсия фонды идарәсендә эшләгән, бүген район сайлау комиссиясенең алыштыргысыз әгъзасы Гөлсирә ханым Ларина бакчасыннан 1 килограмм 200 граммлы бәрәңге алган. «Бу төптә каз йомыркасы кадәр тагын биш-алты бәрәңге бар иде. Ярып карадык, эче дә куыш түгел», – ди ул. «Гомумән, бакчабызда кызыл бәрәңге бик уңды. Утыртканчы күп итеп тирес керткән идек, шуның файдасыдыр», – ди ул. 
    Тәҗрибәле бакчачының мондый зур бәрәңгене беренче мәртәбә генә алуы түгел икән. 1992 елда берсе-берсе 20-30 сантиметр озынлыктагы бәрәңгеләр казыган булганнар. 

    Хөрмәтле газета укучыларыбыз! Бәлки сез дә шундый үзенчәлекле яшелчәләр, җиләк-җимешләр үстергәнсездер. Мондый уңышны ничек алуыгыз турында безнең белән дә уртаклашыгыз – фотолар белән хатларыгызны yakti.ul76@gmail.com электрон адресыбызга юллагыз.

    Фото Гөлсирә Ларинадан алынды. 

    Нравится
    Поделиться:
    Реклама
    Комментарии (0)
    Осталось символов: