Базиликлы помидор

admin, 13 сентябрь 2020 - 10:55

792

Инде күп кеше кыяр-помидорын тозлап, салатларын ясап, сакларга алып куйды. Ләкин яшелчәләрне урнаштырып бетерергә өлгермәгәннәр дә бардыр. Иске Җирекле авылыннан Гөлназ Зарипова андыйларга бик тәмле, базилик белән тозланган помидор рецепты тәкъдим итә. Гади дә, үзенчәлекле дә рецепт. «Ел дә шулай әзерлим, дусларым, туганнарым да рецептны куллана, безгә бик ошый!» – дип яза ул.

Банкаларны стериль-ләштерергә. Помидорларны аларга базилик катламы белән аралаштырып тутырырга. Помидорның «дамские пальчики» яки «виноград» кебек вак сортлары әйбәт. Тозлы су (рассол) өчен 1 литр су, 50 грамм тоз, 100 грамм шикәр комы, 50 грамм 9 процентлы аш серкәсе кирәк. Помидор тутырылган банкаларга тозлы су салып, 5-10 минут стерильләштерергә.