АЛМА ПИРОГЫ

Безгә кирәк булачак:
Камыр өчен:
- 100 г сыер мае
- 100 г каймак
- 200 г он
-3 аш калагы шикәр комы
-1 чәй калагы камыр көпшәткече(разрыхлитель) (яки 1⁄2 чәй калагы сундерелгән сода)
Эчлек:
- 500 г татлы алма (бакча алмасы булса яхшырак)
- 200 г каймак
-150 г шикәр комы (мин азрак салам ~90-100г)
-1 йомырка
- 2 аш кашыгы он
Башта камыр ясыйбыз: йомшак сыер маен шикәр комы белән болгатабыз. Каймак өстибез, кабат болгатабыз.
Камыр көпшәткече белән болгатылган он салып, камыр басабыз. 20-30 минутка суыткычка озатабыз.
Эчлек өчен каймак, шикәр комы, йомырка һәм онны бергә кушып болгатабыз, бераз күпертәбез.
Алманы кабыгыннан чистартабыз һәм юка телемләп турыйбыз.
Камырны суыткычтан алабыз, формага салабыз. Кул белән тигезләп җәябез, кыр-кырларыннан кутәртебрәк калдырабыз.
Алманы тезеп салып,өстенә эчлекне агызабыз.
180* градуска кадәр җылытылган мичкә 50 минутка озатабыз.
Тәмле булсын!

Лия Мәрдегалләмова фотосы