Чемпион яшь спортчылар белән очташты

Сергей Сергеев, күрше Круглое Поле поселогының горурлыгы булган боксер, клубка үзенең бокс серләре белән авыл җирлегендәге яшь боксерлар белән уртаклашырга килгән. Чара клубның барлык катнашучылары һәм кунаклары өчен чын бәйрәм очрашуы булды. Чемпион бокс юлын күп еллар элек башлаган. Мастер-класс барышында чемпион үзенең бокс юлы ничек башлануы һәм нинди кыенлыкларны җиңәргә туры килүе турында истәлекләре белән уртаклашты. Бу- тырышлык, физик яктан чыныгу һәм уңышларга омтылу. Сергей Сергеевич үсмерләргә үзенең яраткан бокс комбинацияләрен һәм техникасын күрсәтте. Яшь спортчылар аның һәр хәрәкәтен кызыксынып күзәттеләр, остадан алымнарны отып алырга омтылдылар.

Чемпион спортның зур шәһәрләрдә генә түгел, авыл җирлекләрендә дә үсеш алуына горурлыгын һәм шатлыгын белдерде. Ул ассызыклаганча, мондый очрашулар яшь буынны рухландырырга һәм дәртләндерергә ярдәм итә, җиңүгә китергән хыялга ирешүдә зур роль уйный.

Очрашу ахырында чемпион Сергей Сергеев мастер-класста катнашучыларга теләкләрен әйтте. Ул яшь спортчыларның спортта һәм тормышта зур уңышларга ирешә алуларына ышаныч белдерде. «Алтын арыслан» клубында очрашу яшь боксерларны гына түгел, ә чемпионның үзен дә яңа җиңүләргә омтылышын ныгытты.