Тукай районында баян сатучы үз акчасын “сатып алучы”га күчергән

автор, 18 апрель 2017 - 10:35

1174

Тукай районында яшәүчеләрнең уллары Интернетка 70 мең сумга баян сатарга куйган. Ир-ат элемтәгә керү өчен өлкән яшьтәге әти-әнисенең номерын калдырган. Тиздән Сызраньнан сатып алучы табылган һәм 40 мең сум акча күчерергә тәкъдим иткән. Сатып алучы банк счетына акча күчерергә телим дип 69 яшьлек хатын-кызны мобиль кушымтага кушылырга үгетләгән. Аның өйрәтүе...

Тукай районында яшәүчеләрнең уллары Интернетка 70 мең сумга баян сатарга куйган. Ир-ат элемтәгә керү өчен өлкән яшьтәге әти-әнисенең номерын калдырган.

Тиздән Сызраньнан сатып алучы табылган һәм 40 мең сум акча күчерергә тәкъдим иткән.

Сатып алучы банк счетына акча күчерергә телим дип 69 яшьлек хатын-кызны мобиль кушымтага кушылырга үгетләгән. Аның өйрәтүе буенча Тукай районында яшәүче бу функцияне урнаштырган. Моннан тыш ул паспорт мәгълүматын, карта реквизитларын әйткән, конфиденциаль мәгълүматны кредит учреждениесе хезмәкәрләренә дә хәбәр итмәскә дигән смс алуга карамастан, код һәм парольләрен дә белдергән.

Шулай итеп, "ялган" сатып алучының пенсионерның банк счетына керү мөмкинлеге барлыкка килгән. Аның счетында 230 мең сум акча барлыгын белгәч, ул олы яшьтәге ханымга бу акчалар аның милке түгел, ә Сызраньнан сатып алучыныкы булуына ышандыра алган. Шуңа күрә клиент күрсәтмәләре буенча пенсионер үзенә бары тик 30 мең сум гына калдырырп "артык акча" ны кайтарган. Тукай районы пенсионеры сатып алучы белән башка элемтәгә керә алмаган.