Татарстан Республикасы Президенты Указы

Әйләнә-тирә мохитне саклау мәсьәләләренә җәмгыятьнең игътибарын җәлеп итү, экологик культура формалаштыру һәм аны үстерү максатларында карар бирәм:

1.2013 елны Татарстан Республикасында Экологик культура һәм әйләнә-тирә мохитне саклау елы дип игълан итәргә.

2. Татарстан Республикасы Министрлар Кабинетына бер ай вакыт эчендә 2013 елда Татарстан Республикасында Экологик культура һәм әйләнә-тирә мохитне саклау елын уздыру буенча төп чаралар планын, аларны уздыру вакытын, җаваплы башкаручыларын, финанслау күләмен һәм чыганакларын күрсәтеп, әзерләргә һәм расларга, шулай ук аны гамәлгә ашыруга контрольне тәэмин итәргә.

3. Татарстан Республикасы муниципаль районнары һәм шәһәр округлары башлыкларына, федераль башкарма хакимият органнарының Татарстан Республикасы буенча территориаль органнарына, җәмәгать берләшмәләренә һәм оешмаларга Татарстан Республикасында Экологик культура һәм әйләнә-тирә мохитне саклау елын әзерләүдә һәм уздыруда актив катнашырга тәкъдим итәргә.

4.ТАТМЕДИА" ачык акционерлык җәмгыятенә, "Яңа Гасыр" телерадиокомпаниясе" ачык акционерлык җәмгыятенә, республика һәм җирле массакүләм мәгълүмат чараларына Татарстан Республикасында Экологик культура һәм әйләнә-тирә мохитне саклау елын уздыруны киң яктыртуны тәэмин итәргә.

5. Әлеге Указ аңа кул куйган көннән үз көченә керә.

20 октябрь 2012 ел. №ПУ-883.