21 октябрь 2022 яңалыклары
-
Халык хадиме
Туган җиреңне, үз халкыңны ихластан ярату һәм күңел биреп хезмәт кую – милләт хадимнәренә хас асыл сыйфат. Төрле дәрәҗәдәге җитәкче вазыйфасын башкаручылар, бүлекләрдә хезмәт куючы белгечләр – халык хадиме булырга тиешле кешеләр. Тукай районы башкарма комитеты җитәкчесенең социаль мәсьәләләр буенча урынбасары Илфак Шамил улы Бариев белән шул хакта әңгәмә кордык.
-
Хәтер булып сузылган урам
Күптән түгел генә без, «Гиндукуш» хәрби дан музее хезмәткәрләре, Иске Абдул авылы мәдәният йорты кызлары белән берлектә, авылның Аръяк урамында Урам бәйрәме үткәрдек. Урамдашлар белән җыр-моңга бай очрашуда, барлык борчу-мәшәкатьләрне онытып, рәхәтләнеп күңел ачып, яңа җырлар белән танышып, яшьлектәге җырларны, истәлекләрне барлап, рухи яктан ял иттек. Бәйрәм, гадәттә, мул табынсыз булмый. Хуш исле чәй, шушы урамның уңган ханымнары пешергән тәм-томнар белән сыйландык. Вакытның үткәне сизелмәде дә. Күңелле уеннар бу чараның дәвамы булды. Бәйрәмдә катнашкан һәркем өчен истәлекле булды бу көн. Ни дисәң дә, яшьлек хатирәләре онытылмый бит.
-
Репрессия корбаннары
Халык хәтере... Иң изге, иң мөкатдәс, күңелләрдән мәңге җуелмас хистер ул. Хәтер- тарих. Хәтер- кешелекнең узганнарны барлап, яхшыдан яманны аерырга өйрәтеп, киләчәккә алып бара торган әләмдер. Хәтер түрендә – онытылмас вакыйгалар...