11 август 2026 яңалыклары

• 11 август 2026

  Чаллының 400 еллыгында Салават һәм Сергей Лазарев чыгыш ясаячак

  Чаллы халкын 21 августта күңелле музыкаль кичә һәм якты тамаша көтә — бәйрәм программасы концерт, дискотека һәм салютны берләштерәчәк.

  
• 11 август 2026

  Татарстанда күпбалалы гаиләләргә җир кишәрлеге урынына бирелә торган түләү 234 мең сумга кадәр арттырылачак

  Татарстанда күпбалалы гаиләләргә кагылышлы социаль ярдәм чарасына үзгәреш кертергә җыеналар. Әгәр тәкъдим хупланса, өч һәм аннан күбрәк баласы булган гаиләләр җир кишәрлеге урынына 234 321 сум күләмендә акча ала алачак. Хәзерге вакытта әлеге түләү 200 мең сум тәшкил итә.

  
• 11 август 2026

  Ике ана улларына мотоцикл һәм мопед алган өчен суд алдында җавап бирәчәк

  Татарстанда ике хатын-кызга карата кузгатылган җинаять эшләре судка җибәрелгән. Алар балигъ булмаган балаларны тормышлары өчен куркыныч булган гамәлләргә җәлеп итүдә гаепләнә. Республика Тикшерү комитеты мәгълүматларына караганда, хатын-кызларның икесе дә улларына мототехника сатып алган. Шул ук вакытта алар яшүсмерләрнең транспорт белән идарә итү өчен кирәкле күнекмәләре булмавын белгән.

  
• 11 август 2026

  Тукай районында исерек килеш руль артына кабат утырган ир-ат суд каршына басачак

  Тукай районы прокуратурасы Чаллыда яшәүче 29 яшьлек ир-атка карата җинаять эше буенча гаепләү актын раслады. Ул исерек килеш транспорт чарасы белән идарә иткән өчен административ җәзага тартылган булуына карамастан, кабат исерек килеш руль артына утыруда гаепләнә.

  
• 11 август 2026

  Түбән Камада БПЛА һөҗүменнән зыян күргән йортта яшәүчеләрнең бер өлеше фатирларына кайтты

  Түбән Камада пилотсыз очкычлар һөҗүменнән соң вакытлыча пунктларга урнаштырылган кешеләр үз фатирларына кайтты, туганнары янына яки дачаларына китүчеләр дә бар. Вакытлыча урнаштыру пунктында хәзер беркем дә калмаган. Бу хакта ТАССка шәһәр мэриясе матбугат хезмәтендә хәбәр иткәннәр.

  
• 11 август 2026

  Татарстанда АЗСка чиратсыз керү хокукы кемнәргә бирелә?

  Татарстанда сәламәтлек мөмкинлекләре чикле кешеләрнең ягулык салу станцияләрендә чират көтмичә хезмәт күрсәтү хокукы бар. Бу мөмкинлектән I һәм II төркем инвалидлар, шулай ук сәламәтлек мөмкинлекләре чикле балалар файдалана ала. Бу хакта Татар-информ хәбәр итә.

  
• 11 август 2026

  Татарстанда бүген һава +27 градуска кадәр җылыначак

  11 августта Татарстанда аязучан болытлы һава торышы көтелә, дип хәбәр итә синоптиклар.