Рус Тат

26 апрель 2022 яңалыклары

26 апрель 2022
Бөек Тукаебызга багышлап

26 апрель бөтен татар халкы өчен иң изге, иң мөкаддәс бәйрәм көне. Бу көнне бөек шагыйребез Габдулла Тукай туган. Районыбыз Тукай исемен йөртүе белән горурланабыз. Мәләкәс авылының яңартылган мәдәният йортында Тукаебыз туган көнгә багышлап туган тел бәйрәме үткәрелде.
26 апрель 2022
Хәлең булса эшлә генә!

Дәүләт хезмәтендәге җитәкче түрәләргә 70 яшькә кадәр эшләргә рөхсәт итәргә җыеналар. Әлегә алар күп дигәндә 65 яшькә кадәр генә эшләргә тиеш. Дәүләт Думасы Хөкүмәтнең шундый закон проектын инде май аенда ук кабул итәргә мөмкин. Федераль башкарма хакимият органнарында җитәкче вазыйфаларын биләүчеләр турында сүз. Министрлар Кабинеты моны дәүләт хезмәтендә югары квалификацияле белгечләрне саклап калу зарурилыгы белән аңлата.
26 апрель 2022
Машина йөртү таныклыгы срогы чыкса

Бу карар санкцияләр шартларында беркадәр җиңеллек бирәчәк. Россия Федерациясе Хөкүмәте транспорт чараларын идарә итү таныклыкларына бәйле 353нче санлы карар кабул итте. Ул документ 2022 елның 12 апреленнән гамәлгә куелды.
26 апрель 2022
Акциягә кушылыйк

Республикада 18 апрельдән “Татарстанның чиста урманнары” табигатьне саклау акциясе башланды. Әлеге акция быел ике этабта: 18 апрельдән – 18 июньгә һәм 12 сентябрьдән – 12 ноябрьгә кадәрге аралыкларда оештырыла. Узган ел урманнарны чистартуда 20 мең кеше катнашкан, 2 мең кубометр чүп җыеп алынган.
26 апрель 2022
Сак булыгыз: талпаннар!

Табигать яшәрә. Аның белән бергә паразитлар да активлаша. Аларның күбесе кешегә зур зыян сала. Шундый куркыныч бөҗәкләрнең берсе - урман бете. Талпан энцефалиты дип аталучы, үзәк нерв системасын зарарлаучы куркыныч авыруны нәкъ менә шул талпан китереп чыгара да инде.
26 апрель 2022
Талны яштән бөгәләр

Әҗмәкәй авылындагы «Миләшкәй» балалар бакчасында мәктәпкәчә белем бирү учрежденияләре җитәкчеләре өчен районкүләм семинар үтте. «Этномәдәни белем бирү шартларында мәктәпкәчә яшьтәге балаларны укыту һәм тәрбия бирү» дип исемләнгән әлеге семинарда бакча мөдирләре белән бергә районның төрле балалар бакчаларында тәрбиләнүче сабыйлар, аларның тәрбиячеләре дә катнашты. Шулай ук семиинарга район башлыгы Фаил Камаев, район мәгариф идарәсе җитәкчесе Әлфәт Сабиров та килгән иде.