18 июль 2020 яңалыклары

• 18 июль 2020

  Файдалы бәйге

  Иске Дөреш авылында урнашкан «Балкыш» ял һәм сәламәтләндерү лагеренда балалар вакытларын бик файдалы үткәрәләр. Шушы көннәрдә биредә «Күңелле ГАИшник» дип аталган бәйге үтте. Үсмерләр өчен бик тә файдалы булган әлеге конкурста төрле яшьтәге балалар катнашты. Һәр отряд бер команда буларак көч сынашты. Уен уен белән, бүген бит әле балаларның бер-берсе белән якыннан аралашмаулары, сәламәтлек саклау таләпләрен үтәүләре мөһим. 

  
• 18 июль 2020

  Көтү көтә безнең егетләр

  Мәктәп укучылары җәйге каникулларны ял итәр өчен генә түгел, эшкә урнашып, бераз акча туплар өчен дә көтеп ала. Әйтик, «Ярыш» хуҗалыгы ел да җәй айларында укучыларны эш белән тәэмин итә. Быел биредә 14 укучы эшли. Аларның 10ысы амбарларны калдык бөртекләрдән чистарту, мал торакларын җыештыру кебек эшләрне башкара. Калган дүрт укучы бик җаваплы эштә. Алар көтү көтә. Эрнест Шәрипов, Эльвир Вәлиев, Руслан Карпов, Азат Нәбиевның бу вазифада беренче еллары гына түгел. Араларында дүртенче җәен хезмәт куючылар да бар.

  
• 18 июль 2020

  Терлек азыгын китереп бирделәр

  Абзар янына өелгән печән рулоннарына карап тордым да, элекке заманнар искә төште. Шәхси хуҗалык малларына печән басуыннан билгеле бер мәйданны үлчәп бирәләр иде. Аннан соң инде шул мәйданчыктагы печәнне чабып бирүчене эзлисең. Бу эш башкарылгач, басуга барып чабылган печәнне әйләндерә-әйләндерә киптерәсең. Авылга якын басудан бирсәләр сөенәсең инде. Аннары шул кышлык мал азыгын ишегалдына кайтару өчен кемнәргә генә ялынмыйсың?! Транспортын табарга, төяшергә, кайткач абзар түбәсенә мендерергә яки бакчада эскерт ясап кую өчен кеше табарга кирәк. Шәһәрдәге балаларны, туган-тумачаны, эшләреннән бүлеп, чакырып кайтарасың.