Мәләкәс авылы урамына матурлап киселгән таш салдылар
Районыбыз авылларының йөзе күзгә күренеп үзгәрә. Күп функцияле яңа фельдшер-акушерлык пунктлары төзелә, полиция участок вәкаләтлеләре өчен административ-торак комплекслары куллануга тапшырыла, клублар, мәдәният учакларына яңа сулыш бирелә. Һәр авылда ял һәм парк зоналары булдыру бурычы тора. Әле менә шушы көннәрдә генә Мәләкәс авылының мәктәп каршындагы тротуарга матурлап киселгән таш (брусчатка) түшәделәр.
