Авылыбызның маягы иде
«Наил белән бергә уйнап үстек. Авылыбызда күмәк башкара торган эш-мәшәкатьләрне ерып чыгуда да, рухи яктан да калканыбыз иде ул. Үзен күрсәтергә яратмады. Ничек булгандыр, зиратны чистартканда миңа кул изәп, елмаеп фотога төште. Күз алдымда шул көләч йөзе. Без туганнар сыман булдык. Авыл җирлеге башлыгы буларак та, гаилә дусты буларак та, Иштирәк халкы өчен, туган җире өчен җан атып яшәгән кешене югалту бик авыр булды. Яшь көе фаҗигале төстә гомере өзелгән Наилне авыл халкы теленнән төшерми. Аны соңгы юлга озатырга бөтен авыл халкы, Түбән Камадан һәм Яр Чаллыдан мөселманнар бик күп килде. Авылыбызның маягы сүнмәде – варислары да нәкъ әтиләре төсле», – ди Иштирәк авыл җирлеге башлыгы Гөлнара Гарифуллина фаҗигале рәвештә якты дөньядан киткән Наил Хәмидуллин турында.
Якты юл
