Мәскәүгә барып кайттылар

Күптән түгел Мәскәүдә узган Россия крестьян-фермер хуҗалыкларының һәм авыл хуҗалыгы кооперативларының XXV юбилей съездына илнең барлык почмагыннан 600гә якын делегат килгән иде. Араларында районыбыздан да ике крестьян-фермер хуҗалыгы җитәкчеләре: Ренат Ханов һәм Наил Фәррахов та бар иде. Дүшәмбе көнне район хакимияте бинасында узган утырышта алар район фермерларын съездта күтәрелгән мәсьләләр, субсидияләр, дәүләт тарафыннан күрсәтелүче акчалата ярдәмнең күләмен арттыру кебек файдалы мәгълүмат белән таныштырды.