Комплекслы эшләгәннәр – отачак

Уракның уңышы һәм югары темпта баруы күптөрле шартларга бәйле. Иң элек, әлбәттә, һава торышының яхшы булуы кирәк. 27 августта көн кояшлы, явымсыз иде. Районның бер өлешендә генә яңгырлар явып үтте. Комбайнчылар бер мең гектарга якын, төгәлрәк әйткәндә, 977 гектардагы игенне җыеп суктырдылар. Көзге яңгырлар башлануы да ихтимал. Шуңа күрә вакытның һәр мизгелен нәтиҗәле файдалану, җитештерүчәнлекне күтәрү бик мөһим. Бу яктан «Алмаз» игенчеләре үрнәк күрсәтә. Уракны һәм көзге чәчүне яхшы агротехник срокта башкардылар. «Гигант», «Ярыш», «Камский» хуҗалыклары да зур оешканлык белән эшли.

Туңга сөрү, көзге чәчү, терлек азыгы әзерләү эшләрен дә үз вакытында үткәрү өчен тырышлыкны арттырасы бар.