Тукайлылар өчен мәктәп товарлары буенча «кайнар линия» ачыла
Татарстанда Роспотребнадзор идарәсе мәктәп формасы, рюкзаклар һәм язу-сызу кирәк-яракларының сыйфаты һәм куркынычсызлыгы мәсьәләләре буенча махсус консультацияләр башлап җибәрә. 10 августтан 21 августка кадәр Тукай районы һәм күрше төбәкләрдә яшәүчеләр үзләрен кызыксындырган сораулар буенча санитар табиблар белән бушлай элемтәгә керә алачак.
Яңа уку елы башланыр алдыннан балалар өчен товарлар сайлау аеруча зур җаваплылык таләп итә. Сатып алынган киемнәрнең яисә уку кирәк-яракларының бала сәламәтлегенә зыян китермәвендә ышанычлы булу өчен, Роспотребнадзорның Яр Чаллы бүлеге белгечләре махсус телефоннар аша ярдәмгә киләчәк. Сишәмбе көненнән башлап, Чаллы шәһәре, шулай ук Актаныш, Тукай һәм Минзәлә районнары халкы сорауларын түбәндәге телефоннар аша бирә ала: (8552) 32-06-78 һәм 32-05-39.
Консультацияләр билгеләнгән эш графигы буенча алып барыла: дүшәмбедән пәнҗешәмбегә кадәр — сәгать 09:00дан 16:00га кадәр, ә җомга көннәрендә — 09:00дан 15:00гә кадәр. Төшке аш сәгать 12:00дән 13:00гә кадәр дип билгеләнгән. Санитар табиблар ата-аналарга балалар товарларын сайлау кагыйдәләре, аларның маркировкасы һәм тиешле сыйфат сертификатлары турысында җентекләп аңлатачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев