Файдалы һәм куркынычсыз Интернет: Күзкәй китапханәсендә балалар өчен танып-белү сәгате узды
Күзкәй авыл китапханәсендә яшь китап сөючеләр өчен «Интернет киңәш бирә» дип аталган мәгълүмати-танып белү әңгәмәсе оештырылды. Чара барышында балаларга бөтендөнья челтәреннән дөрес файдалану һәм виртуаль киңлектә үз-үзеңне куркынычсыз тоту кагыйдәләрен җентекләп аңлаттылар.
Заманча технологияләр артып барган чорда Интернет бик күп яңа белемнәр алу, дуслар белән аралашу һәм үз фикерләрең белән уртаклашу өчен гаять зур мөмкинлекләр бирә. Ләкин шул ук вакытта виртуаль дөнья аеруча саклык таләп итә. Китапханә белгечләре яшь кунакларга виртуаль мохиттә очрый торган төп хәвеф-хәтәрләр һәм бөтендөнья челтәрендә очраган һәр кешегә сукырларча ышанырга ярамавы турында искә төшерделәр.
Әңгәмә барышында балалар Интернетны бары тик файдалы максатларда гына куллану, шәхси мәгълүматларны яшерә белү һәм шикле сайтларга кермәү буенча бик күп файдалы киңәшләр алдылар. Мондый чаралар яшь буынның компьютер грамоталылыгын арттыруга һәм аларны мәгълүмати һөҗүмнәрдән саклауга юнәлдерелгән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев