Түбән Кама районында юл һәлакәтендә ир-ат һәм бала һәлак булган
Кичә Татарстанның Түбән Кама районында куркыныч юл-транспорт һәлакәте булган: «Лада» автомобиленең 49 яшьлек йөртүчесе, узып китәргә омтылып, каршы як полосага чыккан һәм зур тизлектә BMW машинасына барып бәрелгән.
Көчле бәрелешү нәтиҗәсендә ике машинага да җитди зыян килгән, ә "Лада" автомобиле йөртүчесе һәм аның салонындагы биш яшьлек бала алган җәрәхәтләрдән вакыйга урынында җан биргән.
Хәзерге вакытта республика Дәүләт автоинспекциясе хезмәткәрләре һәм тикшерү органнары фаҗиганең барлык нечкәлекләрен, шул исәптән машиналарның техник торышын һәм сабыйны салонда йөртү кагыйдәләренең үтәлешен ачыклый, дип яза «Татар-информ».
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев