Хатын-кыз эчеп руль артына утырган
14 ноябрь көнне ЮХИДИ хезмәтенә Олы Шилнә авылының Снежная урамында «Мерседес-Бенс» автомобилен бәрдереп китүләре турында хәбәр килә.
Шалтыратучы хатын-кыз бәрдерүченең яшел төстәге «Форд-Фокус» машинасында булганлыгын әйтә. Әлеге автомобильне хокук сакчылары Олы Шилнәнең Шоссейная урамында тоткарлыйлар. Аның йөртүчесе 40 яшьлек хатын-кыз булып чыга. Сөйләшү барышында инспекторлар аның алкоголь кулланганын аңлыйлар. Хатын-кыз алкотекторга өрүдән дә, медицина тикшерүе үтүдән дә баш тарта. Тәртип бозучының үзен район Эчке эшләр бүлегенең дежур частена, ә машинасын махсус стоянкага алып китәләр.
Хатын-кызга алкоголь кулланып руль артына утырган өчен дә, һәлакәт урынын ташлап киткән өчен дә җавап тотарга туры киләчәк.
Следите за самым важным и интересным в Telegram-каналеТатмедиа
Нет комментариев