Баланы юлда үз-үзен дөрес тотарга өлкәннәр өйрәтергә тиеш

Март ахыры - мәктәп балаларының язгы каникуллары чоры. Бу вакытта аларның юл куркынычсызлыгын тәэмин итүгә игътибарны аеруча көчәйтергә кирәк, дип кисәтәләр район буенча ЮХИДИ бүлеге хезмәткәрләре. Бу көннәрдә урамда балалар саны да арта, шулай ук юллар кардан ачылгач кыш буе кузгалмаган транспорт чаралары да барлыкка килә. Еш кына мондый техника төзек тә булмый, йөртүчеләре дә машина белән идарә итү күнекмәләрен оныткан була, тайгак юлда тормоз юлы да озыная. Баланы юлда үз-үзен дөрес тотарга өйрәтү өлкәннәрдән тора. Бүген, каникуллар алдыннан, бу аеруча мөһим.