Автобуслар тикшерелә

Рейдлар барышында ЮХИДИ хезмәткәрләре автобус йөртү кагыйдәләрен бозуның 7 очрагын ачыклады инде. Автобусларның техник торыш таләпләре үтәлми, кайдадыр алгы тәрәзәләре чатнаган, машина йөртүчеләрнең хезмәт һәм ял режимын теркәп баручы тахографлар юк яки тиешенчә эшләми. Автобусын тахографсыз юлга чыгарган өчен бер вазифадагы зат административ җаваплылыкка тартылды. Вазифадагы затларга штраф күләме 5 мең сумнан башлап 10 мең сумга кадәр, машина йөртүчеләргә 1 мең сумнан 3 мең сумга кадәр тәшкил итә. Автобус йөртүчеләр кулында күпләгән кеше сәламәтлеге һәм гомере. Шуңа күрә аларның куркынычсызлык таләпләрен үтәүгә җитди карауларын сорый район ЮХИДИ бүлеге башлыгы Шамил Ганиев.